TRAGSATEC. REUNIÓN 26/04/2013 - DATOS ECONÓMICOS Y SITUACIÓN

El pasado viernes 26 de abril la dirección del Grupo Tragsa y las Secciones sindicales de Tragsatec tuvimos una reunión informativa sobre la situación económica de la empresa: cierre del ejercicio 2012 e información del primer trimestre 2013. 

COMUNICADO

1 DE MAIO. MOVEMENTO OBREIRO MUNDIAL

O próximo 1 de maio celébrase o movemento obreiro mundial. A data foi decidida durante o Congreso Obreiro Socialista da Segunda Internacional celebrado en París en 1889. É unha xornada de recoñecemento aos logros alcanzados polo movemento obreiro e celébrase na maioría dos países do mundo, entre eles España. Conmemórase os feitos acontecidos na cidade norteamericana de Chicago a consecuencia das manifestacións obreiras convocadas para o 1 de maio de 1886.

Dito isto, no breve pdf que se achega explícase de xeito superficial o 1 de maio; resulta do mais sorprendente, ou non, iso queda no concepto que teña cada un, a loita tan "irreal" e "ilexítima" que sinalaban os Gobernos correspondentes, a Patronal correspondente e a Prensa de turno...

Se ben non deixa de ser certo o moito que se avanzou nos dereitos dos traballadores, non deixa de ser clara a seguinte obviedade: Non se logrou absolutamente nada sobre a base de “agáchome e a ver se pasa a onda" e "non é o momento para reclamar"; NUNCA é o momento para solicitar nada que teña que ver con mellorar as condicións de traballo.

Como din algún dos "gurús" da economía e da grande empresa, hai que traballar máis e cobrar menos, ao que habería que contestar, de forma educada, que habería que volver barallar as cacharelas como medida de disuasión ante as dúbidas de fe. É tal o despropósito e a argumentación mesquiña por parte dos que manexan os fíos, que resulta clarividente a lectura deste texto e vexa ao que nos esta levando a loucura de hoxe en día.

Dedicade uns minutos a reflexionar sobre o asunto; non imos a facer proclamas, nin a dicirvos que acudades á manifestación do 1 de maio, pero, por favor, reflexionade en que punto nos atopamos

BREVE HISTORIA 1 DE MAIO

NOVOS DESPEDIMENTOS EN TRAGSATEC OURENSE

A pasada semana, representantes da Dirección informaron ao Comité de Empresa de Ourense que a finais de este mes de abril despedirían a 11 compañeiros e compañeiras con varios anos de experiencia en Tragsatec.

Inmediatamente, o Comité de Empresa tratou de abrir negociacións coa Dirección enviando o seguinte escrito ao Delegado Autonómico:

“Ourense, 18 de abril de 2013

A/A Delegado Autonómico Grupo Tragsa, César Aja Mariño.

Estimado César,

Pola presente o Comité de Empresa Provincial de Tragsatec Ourense, quere manifestar o seu mais absoluto rexeitamento fronte as medidas adoptadas pola empresa de despedimento de 11 compañeiros e compañeiras de Tragsatec Ourense e que se levarán a cabo a finais do presente mes de abril.

Ata o momento, tódalas decisións da dirección para tratar de contrarrestar a constante perda de carga de traballo, centráronse sobre a parte mais vulnerable da empresa aniquilando a parte produtiva desta. É revelador que dende o 2010, o 38% da caída da produción fora compensado coa redución do 37% do emprego medio, mentres que os postos de organigrama, lonxe de reducírense, se incrementan.

É claro o obxectivo deste Comité de Empresa e das Seccións Sindicais en el representadas, o mudar esta política de austericidio que consideramos suicida xa que pon en perigo o futuro e a viabilidade da empresa.

É por iso que solicitamos á empresa a inmediata apertura dun período de negociación que trate de buscar medidas alternativas e menos traumáticas que a destrución de emprego.

De non recibir resposta a este escrito nun prazo máximo de dous días, este Comité de Empresa entenderá que se declina o ofrecemento e porá en marcha tódalas medidas xudiciais e de acción sindical que considere oportunas de cara a defensa efectiva dos dereitos dos nosos compañeiros e representados.

Sen outro particular, recibe un cordial saúdo,

Yolanda Vázquez Cid

Presidenta do Comité de Empresa.”

A día de hoxe, o Comité de Empresa non recibiu ningunha resposta por parte da dirección, o que demostra a absoluta falta de intención de dialogar coa Representación dos Traballadores para tratar de buscar solucións conxuntas.

Isto provocará, sen ningunha dúbida e como xa ocorreu en outras situacións como os despedimentos do persoal de Capitanías Marítimas, un incremento da conflitividade laboral e que varios dos afectados e afectadas acudan á vía xudicial.

Dende esta Sección Sindical ofrecemos todo o noso apoio aos compañeiros e compañeiras de Tragsatec Ourense e poñémonos a súa disposición para o que poidan necesitar.

AGE CALIFICA DE SURREALISTA A POLÍTICA SALARIAL EN TRAGSA

A política salarial da empresa pública Tragsa é surrealista, por non falar de ética

Os sindicatos con representación na empresa pública Tragsa denuncian que a compañía, da que a SEPI controla a maioría, pechou 2012 con beneficios e, porén, reduciu o salario dos traballadores nun 7% e suprimiu a paga extra de Nadal. Mentres, iso si, repartiu dividendos entre os seus directivos. “Báixase o soldo dos empregados e, por outra banda, prémiase ás elites”, expuxo en comisión parlamentaria o portavoz de Alternativa Galega de Esquerda (AGE), Xosé Manuel Beiras, “é surrealista, por no cualificalo do punto de vista da ética”.

Beiras repasou o que o catedrático catalán Antoni Domènech denomina “asimetría” entre a organización política e a organización económica da sociedade. “Mentres a política ía democratizándose”, explicou, “as empresas continuaban como monarquías absolutas e autocracias. Despois foron constitucinalizándose cos comités de empresa e o dereito dos traballadores a acceder á información. Agora entramos no proceso inverso”. E Tragsa é bo exemplo do mesmo. O consello de administración da compañía pública négase a fornecer dos datos sobre salarios dos directivos á representación sindical dos asalariados. Nin sequera recibe resposta. Esta mañá, no Parlamento de Galicia, a Xunta tampouco respondeu ás cuestións ao respecto formuladas por Alternativa Galega de Esquerda.

ALTERNATIVA GALEGA DE ESQUERDAS

EL CORREO GALLEGO



TRAGSATEC. MAIS DATOS ECONOMICOS E RESUMO REUNION 03-04-2013

Publicamos comunicado cos datos económicos que faltaban e que foron pedidos por esta Sección Sindical e cun resumo da reunión do Comité de Empresa de A Coruña coa Dirección do pasado 3 de abril.

COMUNICADO

REQUERIMENTO PROVISIÓN VACANTES