No pasado mes outubro tivemos a última reunión coa dirección da empresa na que mostramos
a nosa disconformidade cos despedimentos de compañeiros con varios anos de experiencia producidos na nosa delegación.
Puxemos
de manifesto que os axustes que se están a facer para compensar a perda
de encargos e a baixada de produción, estanse
a focalizar exclusivamente nos traballadores de base da empresa,
mentres que non se está a plantexar ningunha clase de reestruturación e
de aforro no organigrama. Moi pola contra, observamos estupefactos
os inexplicables e inexplicados nomeamentos de novos postos que adquiren a condición de intocables.
¿Onde
está a Lei de Transparencia?. Os salarios de Subdirectores, Directores,
Delegados Provinciais e Autonómicos, Secretaría
Xeral, Presidente... deben ser públicos. Sabemos canto cobra o
Presidente do Goberno, pero non podemos saber canto cobra o Presidente
do Grupo Tragsa. ¿Quen entende isto?
A
empresa négase a facilitar este información. Reafírmanse na súa
política de despedimentos e de mantemento de organigrama e seguen
a manter os salarios dos directivos como información non pública a
pesar de que son aboados con capital público.
Estamos
convencidos de que a aplicación en exclusiva de medidas de recortes non
é solución a esta situación. Se a empresa é capaz
de manter e ampliar o organigrama, debe ser capaz de manter, por
necesidade, os postos de traballo de todos. Para iso, é necesario que se
recuperen antigos clientes e que se busquen novas liñas de negocio. É
necesaria a elaboración participativa entre traballadores
e dirección dun Plan Comercial.
O
martes 13 de novembro, tal e como se acordara no pleno do Comité de
Empresa e entre as tres forzas sindicais, os delegados sindicais
de Tragsatec Galicia manifestámonos na porta da Delegación en Santiago,
dando comezo así a unha acción sindical máis combativa.
Os delegados Sindicais de CC.OO. repetiremos as manifestacións nos
centros de traballo que Tragsatec ten en Lugo, Ourense e Pontevedra en horario de 11:00 a 12:00 e co seguinte calendario:
Lugo: 28 de novembro. C/ Salmón, 8-10 entlo. Edificio África.
Ourense: 12 de decembro. C/ Coruña, 28 Bajo
Pontevedra: 17 de decembro. Avda. Juan Carlos I, Nº 6-8
Convidamos e animamos a que os que queirades participar activamente, dediquedes os vosos 20 minutos de café a acompañarnos.
XUNTOS TEMOS MÁIS FORZA.
POLA DEFENSA DOS NOSOS SALARIOS E DEREITOS
POLA DEFENSA DUN TRABALLO DIGNO E DE CALIDADE
POLA DEFENSA DAS EMPRESAS PÚBLICAS
